Spyrnir frá Grund II sem er búinn að vera keppnishestur Báru undan farin 3 ár skipti um eigendur á dögunum og er á leiðinni til Svíðþjóðar. Það er alltaf erfitt að selja hesta sem maður er búinn að vera með lengi og við eigum eftir að sakna þessa mikla snillings. En við óskum nýjum eigendum innilega til hamingju með gripinn. 

Nú er sumarið að ganga í garð og hestamót nánast allar helgar, en við tókum þátt á Opnu Íþróttamóti Mána, Reykjarvíkurmeistaramóti og svo tók Bára þátt í Íþróttamóti Harðar. Árángurinn á fyrstu mótum sumarsins var nokkuð góður. Fyrst var það mótið í Mána en þar endaði Bára í öðru sæti í 4gang á Spyrni, og Kári fór með Spyrni í Töltið og endaði þriðji. Svo mætti Kári með nýjan hest í fjórgang en það er hann Straumur frá Sörlatungu sem hann er búinn að vera með í þjálfun í vetur fyrir þau Róbert Veigar Ketel og Ingu Dröfn Sváfnisdóttur. Það gekk vonum framar og þeir enduðu í þriðja sæti. 
Svo var það Reykjarvíkurmeistaramótið, þar endaði Bára þriðja í fimmgang á Funa, og 7. í B-úrslitum í 4gang á Spyrni. Kári mætti einungis með Tón á mótið þar sem Straumur slasaðist á fæti og gat því ekki mætt til leiks. En Tónninn stóð sig vel eins og alltaf og endaði annar í Töltinu með 7,67 í einkunn en örfáum kommum ofar var Arna Ýr Guðnadóttir á Þrótti frá Fróni. Það er því nokkuð ljóst að þau munu slást um titlana í sumar.
Að lokum var það mótið í Herði en þar endaði Bára í öðru sæti í fimmgang og þriðja sæti í gæðingaskeiði á Funa.